台北遊 ~ 小吃篇
共有0条回复
概要:台北小吃 ~ ~ 始終都係火星人嘅最愛，但礙於一個人.. .. .. 獨食 .. .. .. 始終能放落肚嘅食物真係好有限。（悔恨、懊惱中！） 呢間《阿宗麵線》並唔係西門町嗰間，呢間就響我下褟嘅酒店 ~ 《喬合》不遠之處，步 ...
台北小吃 ~ ~ 始終都係火星人嘅最愛，但礙於一個人.. .. .. 獨食 .. .. .. 始終能放落肚嘅食物真係好有限。（悔恨、懊惱中！） 呢間《阿宗麵線》並唔係西門町嗰間，呢間就響我下褟嘅酒店 ~ 《喬合》不遠之處，步行過條馬路，只需3分鐘。呢兜係大嘅，售價 $55，加埋佢嘅辣椒 .. .. .. 夠惹味！ 而且呢間忠孝店嘅《阿宗麵線》係有位坐 ga！唔駛好似西門町個間咁要企街食 .. .. .. 失晒儀態！ 101 food court 嘅晚餐 ~ 圖左：《歐姆列滋》日式蛋包飯 ~ 唉 .. .. .. 呢碟飯真係暫時我有生以來見過、食過最、最、最差嘅日式蛋包飯呀！ 飯唔熱、蛋唔嫩、茄汁又唔夠、其他餸菜又求其！真係嬲到我標煙！香港隨便一間茶餐聽嘅爛鬼碟頭飯都好過佢呀！圖中：《百年吳家》八寶冬粉（即係粉絲）+ 天婦羅 ~ “八寶冬粉”呢樣嘢我始終覺得係親身到基隆夜市食係最好味！不過.. .. .. 今次真係完全冇咁嘅時間。可惜呀！ （係唔係所有食物一去到百貨公司 Food Court 就會變得形式化呢？）101 food court 嘅甜品 ~ 《小南門豆花》出名嫩滑！一碗加花生 &粉圓，另一碗加粉粿 &唔記得叫咩嘢，當然豆花都係非常之咁嫩滑！ 《繼光香香雞》 ~ 幾乎每一區都有嘅連鎖鹽酥雞店，雞件乾身、唔夠熱 .. .. .. 同以前街邊現炸嗰啲差好遠！後悔浪費咗我嘅胃容量！ 去到淡水 .. .. 意外地唔多見到“魚酥”呢個 item，反而多咗“阿給”呢樣食物，咩係“阿給”呢？簡單講：將大嘅豆卜中間釀入炒過嘅粉絲等配料，再用魚膠封口拎去蒸。食得多煎煎炸炸嘅路邊嘢，呢個“阿給”簡直就係一道清泉！ 而呢間嘅淡水魚丸湯已經遠不及以前嘅鮮甜囉！有個大大摩天輪響頂嘅《美麗華百樂園》，我都係第一次到，火星人一向對行百貨公司冇咩大興趣，最大不了就係行佢嘅 supermarket 同 food court，呢間百貨公司嘅 food court 冷冷清清咁，實在冇咩咁吸引，最後就揀咗個聽落好似好有益嘅“有機豆花”嚟試試，今次加咗花生同薏仁，豆花都係好滑 .. .. .. 不過點解 e+ 嘅豆花都唔係點食到有“豆”香味呢？ 呢啲就係真正嘅“路邊攤”啦！就擺響街邊嘅麵檔 ~ 點解去食？因為有“肝連”囉！火星人叫咗乾意麵、肝連、豆乾 &海帶，樣樣都係我最鍾意嘅嘢食！ 呢餐 .. .. .. 真係又平、又正、又美味呀！ 有時覺得台灣人真係幾有諗頭！呢個就係可以夾住免洗筷子套嘅夾呀！唔駛搞到啲塑膠筷子套周圍飛！好諗頭呀！
在下面说说我的看法
回复内容不允许后期编辑